डोल्पा जिल्ला अस्पतालमा बिरामीको चाप बढ्दो, विशेषज्ञ चिकित्सकको अभाव कायमै

२५ भदौ,काठमाडौँ। डोल्पा जिल्ला अस्पतालमा पछिल्लो एक वर्षमा १५ हजार ९७८ जनाले बहिरंग सेवा (ओपीडी) लिएका छन् । बिरामीको चाप बढ्दै गए पनि अस्पतालमा विशेषज्ञ चिकित्सकको अभाव कायमै छ । आर्थिक वर्ष २०८२/८३ मा २०३ जना बिरामीलाई थप उपचारका लागि जिल्ला बाहिर पठाइएको छ । सो अवधिमा ८६१ जनाले आकस्मिक, ५ हजार ७९ जनाले प्रयोगशाला, ४४६ जनाले ईसीजी, ६१ जनाले मुटुको इको, १ हजार ८३८ जनाले भिडियो एक्सरे र २ हजार ६५८ जनाले एक्सरे सेवा लिएका छन् । ७०८ जना भर्ना भएर उपचाररत भए । सुत्केरी सेवातर्फ १५६ जनाले सेवा लिए । अस्पतालमा ४० नवजात शिशुले एसएनसीयू सेवा तथा ५०७ बालबालिकाले खोप सेवा लिएका छन् ।