कैलाली: गोदावरीको गेटास्थित होटलबाट जुवातास खेलेको आरोपमा प्रहरीद्वारा १४ जना पक्राउ।

कैलाली: कैलालीको गोदावरी नगरपालिका–५ गेटास्थित रमेश होटलमा जुवातास खेलिरहेको अवस्थामा होटल सञ्चालकसहित १४ जना पक्राउ परेका छन्। बिहीबार राति गोप्य सूचनाको आधारमा जिल्ला प्रहरी कार्यालयबाट खटिएको विशेष टोलीले उक्त होटलमा छापा मारेको थियो।

छापा मार्ने क्रममा जुवातास खेलिरहेका उनीहरूको साथबाट प्रहरीले नगद ६८ हजार ६१० रुपैयाँ र एक गड्डी तास बरामद गरेको छ। पक्राउ पर्नेमा होटल सञ्चालक रमेश रानालगायत रहेका छन्। जिल्ला प्रहरी कार्यालय कैलालीले पक्राउ परेका सबै व्यक्तिहरूमाथि प्रचलित कानुन बमोजिम आवश्यक अनुसन्धान तथा कारबाही प्रक्रिया अगाडि बढाइएको जनाएको छ।