हुम्ला केन्द्रबिन्दु भएर आज बिहान ४.२ म्याग्निच्युडको भूकम्प गयो।

हुम्ला केन्द्रबिन्दु भएर आज बिहान भूकम्प गएको छ। राष्ट्रिय भूकम्प मापन तथा अनुसन्धान केन्द्रका भूकम्पविद् राजेश शर्माका अनुसार बिहान ७ बजेर १० मिनेटमा ४.२ म्याग्निच्युडको भूकम्प मापन गरिएको हो। भूकम्पको केन्द्रबिन्दु हुम्लाको ठेहे आसपास रहेको छ।

भूकम्पको धक्का महसुस भए पनि यसबाट भएको सम्भावित क्षति वा अन्य प्रभावबारे विस्तृत विवरण भने प्राप्त हुन बाँकी रहेको छ। स्थानीय प्रशासन तथा प्रहरीले भूकम्पबाट परेको प्रभावको जानकारी लिन अध्ययन र सूचना संकलन गरिरहेको जनाइएको छ।