भोटेकोशी बाढीः एक हजार २९० शव फेला, ४ हजार ७९८ बेपत्ता

काठमाडौँ, भदौ १९ गते । रसुवाको भोटेकोशी बाढीमा परी हालसम्म १ हजार २९० जनाको शव फेला परेको छ भने ४ हजार ७९८ जना अझै सम्पर्कविहीन छन् । नेपाल प्रहरीका अनुसार फेला परेका शवमध्ये ३४ बालक, ४५ बालिका, २५० महिला र ४२७ पुरुष छन् । आंशिक अङ्गसहित ५३२ शव फेला परेका छन् भने उपचारका क्रममा दुई जनाको मृत्यु भएको छ । बाढीपछि प्रहरीले ८ हजार १९७ जनाको उद्धार गरेको जनाएको छ । उद्धार गरिएकामध्ये नेपाली तथा विदेशी नागरिकसमेत छन् । बेपत्ताको खोजी, शव पहिचान र व्यवस्थापनका लागि सुरक्षा निकाय परिचालित छन् । मृतक तथा आफन्त गरी १ हजार ८६२ जनाको डीएनए नमुना संकलन गरिएको छ । प्रहरीले ९२६ शव व्यवस्थापन गरिसकेको जनाएको छ ।