भैरहवाबाट अन्तर्राष्ट्रिय उडान पुनः सुरु, थाई एयरएसिया अक्टोबर १२ देखि उडान गर्ने

करिब छ महिनापछि भैरहवास्थित गौतमबुद्ध अन्तर्राष्ट्रिय विमानस्थल (GBIA) बाट नियमित अन्तर्राष्ट्रिय उडान पुनः सुरु हुने भएको छ। थाई एयरएसियाले अक्टोबर १२ देखि थाइल्यान्ड र भैरहवाबीच हप्तामा दुई उडान सञ्चालन गर्ने तयारी गरेको छ। जजिरा एयरवेजले तिहारपछि उडान सुरु गर्ने योजना बनाएको छ। लामो अवरोधले भैरहवा क्षेत्रको होटल तथा पर्यटन व्यवसाय प्रभावित बनेको छ।