बाढीपहिरोले ध्वस्त सडक पुनर्निर्माणमा १२ अर्ब ३८ करोड खर्च हुने सरकारको अनुमान

हालैको भारी वर्षाका कारण देशभर बाढीपहिरोले क्षति पुर्‍याएको सडक पूर्वाधार पुनर्निर्माण गर्न करिब १२ अर्ब ३८ करोड रुपैयाँ आवश्यक पर्ने अनुमान सरकारको छ। भौतिक पूर्वाधार तथा यातायात मन्त्रालयका अनुसार राजमार्ग, वैकल्पिक सडक, कंक्रीट र बेली पुल पुनर्निर्माणमा ठूलो खर्च लाग्नेछ। मन्त्री कुलमान घिसिङले अवरुद्ध सडक खोल्न जनशक्ति र सामग्री परिचालन गरिएको बताए। बाढीपहिरोले २६३ स्थानका सडक र पुल क्षतिग्रस्त पारेका छन्।