इराकका राष्ट्रपतिलाई नेपाली राजदूत लम्सालद्वारा नियुक्तिपत्र पेश

इराकस्थित बगदाद दरबारमा बुधबार आयोजित विशेष समारोहमा इराकका राष्ट्रपति डा. अब्दुल लतिफ जमाल रशिदसमक्ष इराकका लागि नेपाली राजदूत घनश्याम लम्सालले आफ्नो नियुक्तिपत्र पेश गरेका छन्। सो अवसरमा राजदूत लम्सालले राष्ट्रपति रामचन्द्र पौडेलको तर्फबाट इराकी जनताको प्रगतिका लागि शुभकामना व्यक्त गरे। जवाफमा राष्ट्रपति रशिदले पनि राष्ट्रपति पौडेल र नेपाली जनताप्रति शुभेच्छा प्रकट गरे। लम्साल नेपालका स्थायी राजदूत हुन्।