प्रधानमन्त्री कार्कीको इलाम लगायतका विपद्ग्रस्त क्षेत्रमा दुःखप्रकाश

प्रधानमन्त्री सुशीला कार्कीले शुक्रबार र शनिबारको अविरल वर्षाका कारण इलामसहित देशका विभिन्न स्थानमा जनधनको क्षति भएकोमा गहिरो दुःख व्यक्त गरेकी छन्। सामाजिक सञ्जालमार्फत उनले विपद्मा परी ज्यान गुमाएका प्रति श्रद्धाञ्जली र परिवारजनप्रति समवेदना प्रकट गरिन्। कार्कीले उद्धार तथा राहत कार्यमा संलग्न सबैप्रति धन्यवाद दिँदै जनताको धैर्य र सहयोग प्रशंसनीय रहेको बताइन्। उनका अनुसार राहत वितरण कार्य निरन्तर जारी छ।