बुद्धभुमि जेसिजले सम्पन्न गर्यो होली मिलन कार्यक्रम

बुड्डी, कपिलवस्तु – बुद्धभूमि जेसिजको आयोजनामा हनुमान चोक, बुड्डी, कपिलवस्तुमा भव्य होली मिलन कार्यक्रम सम्पन्न भएको छ।

 कार्यक्रममा संस्थाका अध्यक्ष जेसि दुर्गा रिजालको अध्यक्षतामा पुर्व अध्यक्षहरू, कार्यसमितिका पदाधिकारीहरू तथा सदस्यहरूको सहभागिता रहेको थियो।

 कार्यक्रमका प्रमुख उद्देश्यहरूमध्ये भाइचारा प्रवर्द्धन गर्नु, आपसी सद्भाव कायम राख्नु तथा समाजमा सौहार्दता फैलाउनु प्रमुख रहेका थिए।

 महासचिव जेसि सुनिल द्विवेदीले होली पर्वको सांस्कृतिक महत्वबारे चर्चा गर्दै सबैलाई एकताको सन्देश दिन आग्रह गर्नुभयो।

उपस्थित सहभागीहरूले होलीको रङ लगाएर शुभकामना आदानप्रदान गरेका थिए। कार्यक्रममा पूर्व अध्यक्षहरू लगायतका वक्ताहरूले होलीको अवसरमा सामाजिक एकता, सद्भाव र सौहार्दता बढाउने विषयमा मन्तव्य व्यक्त गरे।

बुद्धभूमि जेसिजले सामाजिक उत्तरदायित्वका कार्यहरू गर्दै आएको छ, र यस्ता कार्यक्रमहरूले संस्थाका सदस्यहरू तथा स्थानीय समुदायलाई अझ नजिक ल्याउने विश्वास गरिएको छ। कार्यक्रम उल्लासमय वातावरणमा सम्पन्न भएको थियो।