बाढीले क्षतिग्रस्त बीपी राजमार्गमा अस्थायी सडक निर्माण, सवारी सञ्चालन तयारी

गत साताको बाढीले क्षतिग्रस्त बीपी राजमार्गका विभिन्न स्थानमा अस्थायी डाइभर्सन निर्माण गरी शनिबार बिहानदेखि सवारी सञ्चालनको तयारी गरिएको छ। काभ्रेपलाञ्चोकको चौकीडाँडा देखि रोशी गाउँपालिकाको चिउरीबाससम्म ट्र्याक खुलाइएको छ। करिब चार किलोमिटर सडक बाढीले बगाएको थियो। करिब दुई दर्जन मेसिन प्रयोग गरी अस्थायी सडक निर्माण कार्य तीव्र रूपमा भइरहेको जनाइएको छ।