फिलिपिन्समा दुई शक्तिशाली भूकम्प, कम्तीमा सातजनाको मृत्यु

फिलिपिन्सको दक्षिणी क्षेत्रमा शुक्रबार केही घण्टाको अन्तरालमा ७.४ र ६.८ म्याग्निच्युडका दुई शक्तिशाली भूकम्प आएपछि कम्तीमा सातजनाको मृत्यु भएको छ। पहिलो भूकम्पपछि साना सुनामीका छालहरू देखिए पनि ठूलो क्षति भएन। भूकम्पका कारण पहिरो, भवनहरूमा चिरा र विद्याथीहरू घाइते भएका छन्। अधिकारीहरूले प्रभावित क्षेत्रमा उद्धार तथा राहत कार्यका तयारी थालेका छन् भने सुनामी चेतावनी पछि हटाइएको छ।