सोलुखुम्बु हेलिकप्टर दुर्घटनाका घाइतेलाई उपचारका लागि ललितपुरस्थित मेडिसिटी ल्याइयो।

सोलुखुम्बुको फेरिचे हेलिप्याडमा मंगलबार बिहान भएको हेलिकप्टर दुर्घटनामा घाइते व्यक्तिलाई उद्धार गरी उपचारका लागि ललितपुरस्थित नेपाल मेडिसिटी अस्पताल ल्याइएको छ। प्रभु हेलिकोप्टरमार्फत घाइतेलाई थप उपचारका लागि काठमाडौं उपत्यका ल्याइएको हो। फेरिचे हेलिप्याडमा फिस्टेल एयर र डायनेस्टी एयरका दुई हेलिकोप्टर अवतरण गर्ने क्रममा आपसमा ठोक्किएर दुर्घटना भएको थियो। उक्त दुर्घटनामा परी एक जना विदेशी पर्यटकको घटनास्थलमै मृत्यु भएको छ भने अर्का एक जना गम्भीर घाइते भएका छन्। घाइतेको मेडिसिटी अस्पतालमा उपचार भइरहेको छ।