जापानको ओइतामा भीषण आगलागीः १७० भन्दा बढी घर जले, एक बेपत्ता

टोकियो, नोभेम्बर १९। जापानको दक्षिण–पश्चिमी क्षेत्र ओइता सहरमा भीषण आगलागी भई १७० भन्दा बढी घर जलेका वा क्षतिग्रस्त भएका छन्। ७० वर्षका एक पुरुष बेपत्ता छन्। मङ्गलबार साँझ तीव्र हावाका कारण माछा बन्दरगाह नजिकबाट सुरु भएको आगो जंगल हुँदै बस्तीमा फैलिएको हो। २०० भन्दा बढी दमकलकर्मी र सेना हेलिकप्टर परिचालन गरिएको छ। आगो २० घण्टापछि पनि पूर्ण नियन्त्रणमा आएको छैन।